साबुदाणा वडा

साहित्य :-

१. साबुदाणा १ वाटी

२. दाण्याचे कूट अर्धी वाटी

३. १ मध्यम आकाराचा बटाटा

४. जीरं १ चमचा

५. मिरची १ चमचा

६. चिमूटभर सोडा

७. पाव वाटी बारीक चिरलेली कोथिंबीर

८. मीठ चवीनुसार

९. तळणीसाठी तेल

कृती :-

प्रथम साबुदाणा पाण्यात भिजवावा. जेवढा साबुदाणा त्याच्यापेक्षा रेषभर जास्त पाणी घालावे आणि हा साबुदाणा ५ ते ६ तास भिजवावा. बटाटा शिजवून घेऊन mash करून घ्यावा. भिजवलेला साबुदाणा, mash केलेला बटाटा, दाण्याचे कूट, जीरं, मीठ, सोडा, कोथिंबीर हे सर्व जिन्नस एकत्र करावेत. हाताला थोडे पाणी लावत लावत त्याचे वाडे करून घ्यावेत. तेल गरम करावे व वडे छान सोनेरी रंगावर तळून घ्यावेत व दह्यासोबत गरम गरम serve करावेत. यामध्ये कुरकुरीत पणासाठी वारीचे तांदूळ घातले जातात. तुम्हाला आवडत असल्यास घालावेत. पण त्याशिवायदेखील हे वडे छान कुरकुरीत होतात आणि फुलतात.

वाढणी :- २ ते ३ माणसे.