मसालेदार छोले

साहित्य :-

१. छोले दीड वाटी (न भिजवलेले )

२. अर्धी वाटी बारीक चिरलेला कांदा

३. अर्धी वाटी बारीक चिरलेला टोमॅटो

४. अनारदाना १ चमचा

५. हळद १/२ चमचा

६. तिखट १ चमचा

७. छोले मसाला २ चमचे

८. आलं लसूण किसून प्रत्येकी १ चमचा

९. मीठ चवीनुसार

१०.तेल २ चमचे

११. जीरं १ चमचा

कृती :-

प्रथम छोले ४ वाटी पाण्यात ७ ते ८ तास भिजून ठेवावेत. नंतर कूकरमध्ये मीठ घालून हे भिजलेले छोले उकडावेत. एका कढई मध्ये तेल तापवावे. त्यात जीरं घालून कांदा परतावा. कांदा थोडा मऊ झाला की त्यात आलं लसूण घालून पुन्हा मिनिटभर परतावे. आच कमी करावी व हळद, तिखट, छोले मसाला घालावा आणि मिश्रण एकत्र करून घ्यावे. हे मसाले थोडे शिजले की त्यात शिजवलेले छोले घालावेत. आच वाढवावी. थोडे पाणी घालावे व छान उकळी आणावी. मग त्यात अनारदाना घालून पुन्हा उकळावे. मीठ घालावे. जितका जास्त छोले उकळातील तितका जास्त पाणी त्याला लागेल. त्यामुळे आवश्यक तेवढं पाणी घालून थोडी gravy राहील इतपत उकळावे. मग त्यात टोमॅटो घालावा. पुन्हा थोडे उकळून घ्यावे व कोथिंबीर पेरून गरम गरम serve करावे.

वाढणी :- ३ ते ४ माणसे