साहित्य :-
१. बाजरीच पीठ २ वाट्या
२. गरम पाणी
३. पांढरे तीळ २ चमचे
कृती :-
बाजरीच पीठ गरम पाणी घालत घालत थोडसं सैलसर मळून घ्यावं. मळलेल्या गोळ्याचा छोटा उंडा घेऊन दोन हातामध्ये त्याचा दाबत दाबत त्याचा चपटा गोल बनवून घ्यावा. पोळपाटावर थोडं तांदळाचं पीठ भुरभुरून त्यावर हा चपटा गोळा ठेवावा. हाताने हळू हळू थापत थापत गोल भाकरी बनवावी. त्यावर लगेचच थोडे तीळ लावून हलक्या हाताने दाबून घ्यावेत. भाकरीला ज्या बाजूला तीळ लावलेले आहेत ती बाजू तव्यावर देखील वरच आली पाहिजे अशा प्रकारे भाकरी तव्यावर टाकावी. लगेचच भाकरीच्या वरच्या बाजूला थोडसं पाणी लावायचं. हे पाणी थोडं वाळत आलं की भाकरी उलटावी. परत २ ते ३ मिनिटं भाकरी भाजली गेली की मग उलटून थेट आचेवर भाजावी. जर तुमच्याकडे कॉईल असेल तर त्यावर ठेवायची एक जाळी मिळते. त्या जाळीवर भाकरी भाजली तरी छान फुलते. अशा गरम गरम भाकऱ्या लोणी लावून serve कराव्यात.
ही बाजरीची भाकरी संक्रांतीच्या आदल्या दिवशी अर्थात भोगीला खाल्ली जाते.
वाढणी :- १ ते २ माणसे
कोणत्याही टिप्पण्या नाहीत:
टिप्पणी पोस्ट करा