पुरी

साहित्य :-

१. पोळीची कणिक १ वाटी

२. चिमूटभर मीठ

३. १/४ टी. स्पून साखर

४. २ चमचे तेलाचे मोहन

५. कणिक मळण्यासाठी पाणी

कृती :-

प्रथम तेल गरम करावं. कणकेमध्ये मीठ, साखर व मोहन घालावे. थोडे थोडे पाणी घालून पोळीच्या कणकेपेक्षा थोडी घट्ट कणिक भिजवावी. १० ते १५ मिनिटे थांबून मग त्या कणकेचे छोटे छोटे गोळे करावेत. गोल लाटून ह्या पुऱ्या गरम तेलावर दोन्ही बाजूनी तळून घ्याव्यात.

खीर, आम्रखंड, बासुंदी अशा पक्वान्नासोबत पुरी छान लागते.

वाढणी :- वरील साहित्यात ७ ते ८ पुऱ्या होतील.