तिखटामिठाच्या पुऱ्या

साहित्य :-

१. २ वाट्या गव्हाची कणिक

२. चवीनुसार मीठ

३. अर्धा चमचा तिखट

४. अर्धा चमचा जीरं पूड

५. अर्धा चमचा धणे पूड

६. १ चमचा गोडा मसाला

७. अर्धा चमचा चाट मसाला

८. १ चमचा गरम तेलाचे मोहन

९. पाव वाटी कोथिंबीर

१०. कणिक मळायला पाणी

११. तळण्यासाठी तेल

कृती :-

वरील सर्व जिन्नस एकत्र करावेत. पाणी घालून थोडी घट्ट कणिक मळावी. १५ ते २० मिनिटे कणिक झाकून ठेवावी. एका कढईमध्ये तेल तापत ठेवावे. कणकेचा छोटा गोळा घेवून तो गोल लाटावा व गरम तेलात दोन्ही बाजूनी पुरी छान तळून घ्यावी. गरम गरम खायला द्यावी.

वाढणी :- या साहित्यात साधारण ८ ते १० पुऱ्या होतील.