टोमॅटो सार

साहित्य :-

१. ३ ते ४ पूर्ण पिकलेले टोमॅटो

२. १ छोटा बटाटा

३. अर्धा छोटा कांदा

४. २ चमचे तेल फोडणीकरता

५. अर्धा चमचा जीरं

६. १ हिरवी मिरची

७. १ लाल मिरची

८. हिंग

९. कढीपत्ता

१०. लोणी / butter

११. कोथिंबीर

कृती :-

प्रथम टोमॅटो, कांदा व बटाटा कूकर मध्ये शिजवावेत. एका कढईमध्ये तेल तापवावे. त्यात जीरं, कढीपत्ता, हिंग, हिरवी व लाल मिरची न चिरता घालून खमंग फोडणी करावी. जर आवडत असेल तर आलं किसून त्याचा रस घालावा. शिजवून गार केलेले टोमॅटो, कांदा व बटाटा एकत्र मिक्सरमधून वाटावेत व या फोडणीमध्ये गाळून घालावे. थोडेसे पाणी घालून सार पातळ करावे.छान उकळी येऊ द्यावी. सार उकळले की serve करताना त्यावर कोथिंबीर व butter / लोणी घालून गरम गरम वाढावे. हे सार नुसते पिण्यासाठी किंवा पुलाव सोबत फारच छान लागते.

वाढणी :- २ ते ३ माणसे