साहित्य :-
१. वाटीभर गव्हाची कणिक
२. २ ते ३ चमचे तांदुळाची पिठी
३. चिमूटभर हळद
४. अर्धा चमचा तिखट
५. अर्धा चमचा गोडा मसाला
६. अर्धा चमचा जीरं पूड
७. २ चमचे दही
८. चवीनुसार मीठ
९. कपभर पाणी
१०. आलं लसूण प्रत्येकी पाव चमचा (हे धिरड लहान मुलांसाठी बनवत असला तर आलं लसूण नाही घातलं तरी चालेल.)
कृती:-
प्रथम पाणी सोडून सर्व जिन्नस एकत्र करावेत. मग हळू हळू पाणी घालत गुठळ्या होणार नाहीत अशाप्रकारे सर्व एकत्र करावे. साधारणपणे डोशाच्या पिठासारखं दाट पीठ असावं. तवा मध्यम आचेवर तापवून लगेचच धिरडी घालायला सुरुवात करावी. ही धिरडी तव्यावर जास्त पसरवू नयेत. इतर धीरड्यासारखी ही धिरडी तव्यावरून उलटायला थोडी त्रासदायक ठरतात. पण ज्या लहान मुलांना नुकताच भात द्यायला सुरु केला असेल त्यांना चवीत बदल म्हणून ही धिरडी अतिशय चांगली आहेत.
वाढणी :- १ ते २ माणसे.
कोणत्याही टिप्पण्या नाहीत:
टिप्पणी पोस्ट करा