साहित्य :-
१. मोड आलेली मटकी अर्धा कप
२. बारीक चिरलेला घेवडा दीड कप
३. चिमूटभर हळद
४. अर्धा चमचा तिखट
५. प्रत्येकी अर्धा चमचा धना जीरा पूड
६. गोडा मसाला १ चमचा
७. चवीनुसार मीठ
८. फोडणीसाठी तेल,मोहरी व हिंग
९. कढीपत्त्याची पानं ५ ते ६
१०. बारीक चिरलेली कोथिंबीर व खोबरं सजावटीसाठी
कृती:-
प्रथम श्रावण घेवडा व मोड आलेली मटकी एकत्र करून कुकरला २ शिट्ट्या करून शिजवून घ्यावी. एका कढईमध्ये तेल तापवावे व त्यात मोहरी, कढीपत्ता व हिंग घालावे. लगेचच सगळे मसाले घालावेत व आच कमी करावी. मसाले तेलात परतले की लगेच त्यात शिजवलेली मटकी व घेवडा घालावा. आवश्यक तेवढे पाणी व चवीनुसार मीठ घालून भाजीला छान उकळी येऊ द्यावी. ही भाजी खोबरं व कोथिंबीर घालून गरम गरम serve करावी.
वाढणी :- २ ते ३ माणसे
कोणत्याही टिप्पण्या नाहीत:
टिप्पणी पोस्ट करा