पोळी

साहित्य :-

१. २ डाव गव्हाची कणिक

२. २ चमचे दही

३. चिमुटभर मीठ

४.१ ग्लास कोमट पाणी

५. तेल

कृती :-

कणकेमध्ये थोडेसे मीठ व २ चमचे दही घालावे. दही घातल्याने पोळी मऊ होण्यास मदत होते. कणिक एकत्र करावी. त्यात हळूहळू कोमट पाणी घालत कणिक मळावी. त्या कणकेचा गोळा झाल्यावर थोडेसे तेल लावून कणिक परत मळावी. ही मळलेली कणिक झाकून ठेवावी. साधारण अर्ध्या तासाने पोळी लाटण्यास घ्यावी. एक छोटा गोळा घेऊन तो थोडा लाटावा व त्याला तेल लावून त्रिकोणी घडी घालावी. ही त्रिकोणी घडी पिठात घोळवून त्याची गोल पोळी लाटावी. तवा मध्यम आचेवर तापला की लाटलेली पोळी तव्यावर भाजून घ्यावी. दही घातल्यामुळे पोळ्या अतिशय मऊ होतात व छान पदर सुटतात.

वाढणी :- या साहित्याच्या साधारण ७ ते ८ पोळ्या होतील