साहित्य :-
१. मध्यम आकाराचे २ बटाटे
२. फ्लॉवरची मध्यम आकाराची ८ ते १० फुले
३. अर्धी वाटी कांदा बारीक चिरलेला
४. छोटा टोमॅटो बारीक चिरलेला
५. पाव चमचा हळद
६. १ चमचा तिखट
७. १ चमचा प्रत्येकी धना जीरं पूड
८. १ चमचा गोडा मसाला
९. ५ ते ६ कढीपत्ते
१०. चवीपुरते मीठ
कृती:-
प्रथम एका कढईमध्ये तेल तापवावे व त्यात मोहरी व जीरं घालून फोडणी करावी. जीरं मोहरी तडतडले की त्यात कढीपत्ते घालावेत. हळद घालून थोडंसं परतावं व बारीक चिरलेला कांदा घालावं. कांदा मऊ होईपर्यंत परतावा व त्यात बटाट्याच्या मध्यम आकाराच्या फोडी करून घालाव्यात. बटाटा तेलावरच थोडासा शिजवावा. मग अर्ध्या शिजलेल्या बटाट्यामध्ये तिखट, धणे जीरं पूड, मसाला घालावा. फ्लॉवरचे मध्यम आकाराचे तुकडे घालावेत व अगदी कमी पाणी घालून रस्सा शिजवत ठेवावा. रस्सा पूर्ण शिजवून मग त्यात जितकं हवं आहे तितकं पाणी व चवीपुरतं मीठ घालून रस्सा २ ते ३ मिनिटे शिजू द्यावा. कोथिंबीर पेरून हा रस्सा पोळी किंवा भातासोबत serve करावा.
वाढणी :- २ ते ३ माणसे
कोणत्याही टिप्पण्या नाहीत:
टिप्पणी पोस्ट करा