नानकटाई

साहित्य :-

१. १/३ कप मैदा

२. १/३ कप रवा

३. अर्धा कप बेसन

४. चिमूटभर बेकिंग सोडा

५. अर्धा चमचा वेलची पूड

६. अर्धा चमचा जायफळ पूड

७. अर्धा कप लोणी / butter

८. २/३ कप साखर

९. कापलेले बदाम आणि पिस्ते

कृती :-

प्रथम लोणी/ butter फ्रीज मधून काढून ठेवावे व ते मऊ होऊ द्यावे. या मऊ झालेल्या लोण्यामध्ये साखर घालून दोन्ही एकत्र एक ५ मिनिटे फेटावे. बदाम व पिस्ते सोडून इतर सर्व कोरडे पदार्थ एकत्र करावेत. लोणी आणि साखरेच्या मिश्रणात हे कोरडे जिन्नस घालून छान गोळा मळून घ्यावा. या गोळ्याचे छोटे छोटे चपटे गोळे बनवून त्यावर बदाम व पिस्ते लावावेत. oven ३५० ला preheat करावा व एका baking tray वर हे गोळे थोड्या थोड्या अंतरावर ठेवावेत. oven मध्ये 350F ला १० - १५ मिनिटे bake करावेत. खुसखुशीत नानकटाई तयार.

वाढणी :- या प्रमाणामध्ये २० ते २२ नानखटाई होतील.

भरली मिरची

साहित्य :-

१. अर्धी वाटी दाणे

२. अर्धी वाटी तीळ

३. अर्धा चमचा मेथ्या

४. चवीपुरते मीठ

५. २ - ३ चमचे तेल

६. मोठ्या जाड मिरच्या २

कृती :-

प्रथम दाणे, तीळ व मेथ्या वेगवेगळ्या भाजून घ्याव्यात. नंतर मिक्सरमधून हे सर्व जिन्नस बारीक वाटावेत. त्यात चवीपुरते मीठ घालावे. मिरची मधोमध उभी चिरावी. दोन भाग होऊ देऊ नयेत. मिक्सरमधून वाटलेले मिश्रण या मिरची मध्ये भरून घ्यावा. तव्यावर थोडा तेल टाकून या मिरच्या ठेवाव्यात व झाकण लावून शिजू द्याव्यात. मस्त आणि चटपटीत तोंडीलावणं तयार.

वाढणी :- १ ते २ माणसे

मसालेदार छोले

साहित्य :-

१. छोले दीड वाटी (न भिजवलेले )

२. अर्धी वाटी बारीक चिरलेला कांदा

३. अर्धी वाटी बारीक चिरलेला टोमॅटो

४. अनारदाना १ चमचा

५. हळद १/२ चमचा

६. तिखट १ चमचा

७. छोले मसाला २ चमचे

८. आलं लसूण किसून प्रत्येकी १ चमचा

९. मीठ चवीनुसार

१०.तेल २ चमचे

११. जीरं १ चमचा

कृती :-

प्रथम छोले ४ वाटी पाण्यात ७ ते ८ तास भिजून ठेवावेत. नंतर कूकरमध्ये मीठ घालून हे भिजलेले छोले उकडावेत. एका कढई मध्ये तेल तापवावे. त्यात जीरं घालून कांदा परतावा. कांदा थोडा मऊ झाला की त्यात आलं लसूण घालून पुन्हा मिनिटभर परतावे. आच कमी करावी व हळद, तिखट, छोले मसाला घालावा आणि मिश्रण एकत्र करून घ्यावे. हे मसाले थोडे शिजले की त्यात शिजवलेले छोले घालावेत. आच वाढवावी. थोडे पाणी घालावे व छान उकळी आणावी. मग त्यात अनारदाना घालून पुन्हा उकळावे. मीठ घालावे. जितका जास्त छोले उकळातील तितका जास्त पाणी त्याला लागेल. त्यामुळे आवश्यक तेवढं पाणी घालून थोडी gravy राहील इतपत उकळावे. मग त्यात टोमॅटो घालावा. पुन्हा थोडे उकळून घ्यावे व कोथिंबीर पेरून गरम गरम serve करावे.

वाढणी :- ३ ते ४ माणसे

खांडवी/ सुरळीच्या वड्या

साहित्य :-

१. १ कप बेसन

२. अर्धा कप दही

३. आलं, लसूण, मिरची पेस्ट प्रत्येकी एक चमचा

४. २ कप पाणी

५. अर्धा चमचा हळद

६. मीठ चवीनुसार

७. तेल, मोहरी, जीरं, हिंग फोडणीकरता

८. खोबरं व कोथिंबीर

कृती :-

दही, पाणी, बेसन आलं, लसूण, मिरची पेस्ट, हळद व मीठ या सर्व गोष्टी गुठळ्या होऊ न देता एकजीव करून घ्याव्यात. मध्यम आचेवर हे मिश्रण गरम करण्यास ठेवावे. सतत ढवळावे जेणेकरून बेसन भांड्याला खाली चिकटणार नाही. स्टीलच्या ताटाला मागच्या बाजूने थोडेसे तेल लावून घ्यावे. बेसनाचे मिश्रण थोडे घट्ट व्हायला लागले की थोडेसे मिश्रण घेवून तटावर पातळ पसरून बघावे. ते जर अतिशय सहज पणे सुटे झाले तर मिश्रण वड्या करण्यास तयार आहे असे समजावे. जर हे मिश्रण तयार असेल तर ते सर्व तटांवर पातळ पसरून घ्यावे. थोडे गार झाले की सुरीने उभ्या चिरा पडून घ्याव्यात. एक एक उभी पट्टी हळू हळू गुंडाळत जावी. या सगळ्या गुंडाळलेल्या पट्ट्या एका ताटात ठेवून त्यावर तेल मोहरी, जीरं, हिंग यांची फोडणी करून पसरावी. खोबरं व कोथिंबीर पेरून serve कराव्यात.

वाढणी :- २ ते ३ माणसे

खजूर वडी

साहित्य :-

१. बिया काढलेला खजूर ३ वाट्या

२. २ चमचे तूप

३. १ चमचा खसखस

४. १ चमचा सुकं खोबरं

कृती :-

प्रथम खजूर चिरून घ्यावा. एका कढई मध्ये तूप घेऊन ते मध्यम आचेवर गरम होऊ द्यावे. त्या तुपात खसखस व खोबरं घालून अर्धा मिनिट परतावे व लगेचच खजूर घालावा. खजूर घातल्यावर सतत ढवळावे. खजूर अगदी मऊ होईपर्यंत शिजवावे व हे मिश्रण थंड होऊ द्यावे. हे मिश्रण थोडे गार झाले की एका ताटलीला तूप लावावे. हाताला पण तूप लावून हे मिश्रण त्या ताटलीवर पसरावे. थोडेसे जाडसर पसरून घेतले की लगेचच त्याच्या वड्या पाडाव्यात. आवडत असल्यास या वाड्यांना चांदीचा वर्ख लावावा किंवा वरून भाजलेली खसखस लावली. या वड्या थंडीमध्ये खाण्यासाठी अत्यंत पोष्टिक आहेत.

मेथी मटर मलई

साहित्य :-

१. २ वाट्या चिरलेली मेथी

२. अर्धी वाटी मटार

३. अर्धी वाटी मिल्क क्रीम

४. चिमुटभर दालचिनी पावडर

५. चिमुटभर आमचूर पावडर

६. अर्धी वाटी चिरलेला कांदा

७. मीठ चवीनुसार

८. फोडणीसाठी तेल

९. अर्धा चमचा तिखट

१०. अर्धा चमचा साखर

कृती :-

प्रथम मेथीची पानं खुडून धुवून ती बारीक चिरून घ्यावीत. एका कढई मध्ये तेल घालावे. तेल तापले की त्यात बारीक चिरलेला कांदा घालावा. कांदा मऊ होईपर्यंत परतावा. मग त्यात मेथी घालून परतावे. मेथी मऊ झाली की त्यात मटार घालावेत. मध्यम आचेवर थोडावेळ परतून घ्यावे. त्यात दालचिनी पावडर व आमचूर पावडर घालावी. तिखट घालावे. चवीनुसार मीठ घालून भाजी सारखी करून घ्यावी. थोडी साखर घालून भाजी थोडावेळ शिजवावी. सगळ्यात शेवटी जेव्हा भाजी पूर्ण शिजलेली असेल तेव्हा मिल्क क्रीम घालून भाजीला उकळी आणावी. आवश्यक त्या प्रमाणात रस ठेवावा. मिल्क क्रीम घालून जर भाजी जास्त शिजवली तर ती दाट होते. कोथिंबीर घालून भाजी गरम गरम serve करावी.

वाढणी :- ही भाजी २ - ३ माणसांना पुरेल.

भेंडी फ़्राय

साहित्य :-

१. भेंडी अर्धा किलो

२. कांदा अर्धा

३. दाण्याचे कूट ४ चमचे

४. आमचूर पावडर १ चमचा

५. धना जीरा पूड प्रत्येकी १ चमचा

६. तिखट अर्धा चमचा

७. हळद

८. मीठ

९. ओलं खोबरं पाव वाटी

कृती :-

भेंडी चिरून अगदी कमी तेलामध्ये तळून घ्यावी. फार कुरकुरीत करू नये. कांदा बारीक चिरून फोडणीत घालावा. मऊसर झाला की त्यात हळद, तिखट, धना जीरा पूड, आमचूर पावडर असा सर्व मसाला घालावा. तळलेली भेंडी घालून भाजी एकजीव करून घ्यावी. त्यात मीठ घालावे व दाण्याचे कूट घालून भाजी सारखी करून घ्यावी. खोबरं घालून भाजी गरम गरम serve करावी.

वाढणी :- हि भाजी २ ते ३ लोकांना पुरेशी होईल.

चिकन तंदुरी

साहित्य :-

१. अर्धा किलो चिकन

२. १ कप दही (दह्यातील पाणी काढून घ्यावे)

३. १/२ चमचा दालचिनी पूड

४. १/२ चमचा धणे पूड

५. १ चमचा तिखट ( किंवा आवडीनुसार)

६. २ चमचे लिंबू रस

७. १/२ मिरी पूड

८. १/२ चमचा खसखस

९. २ चमचे आल लसूण पेस्ट

१०. मीठ

कृती :-

चिकन धुवून ते कोरडे करून घ्यावे. वरिला सर्व मसाला एकत्र करून चिकनला लावावा. हे marinate केलेले चिकन २ तास फ्रीज मध्ये ठेवावे. २ तासांनी microwave मध्ये ठेवून प्रत्येक बाजू ५ मिनिटे शिजवून घ्यावी. अव्हन साधारण ४०० F ला preheat करावा. चिकन अव्हन मध्येही दोन्ही बाजूनी साधारण ५ मिनिटे बेक करून घ्यावे. कुठल्याही प्रकारच्या भातासोबत गरम गरम खायला द्यावे.

वाढणी :- १ ते २ माणसे

हक्का नुडल्स

साहित्य :-

१. maggie noodles १ छोटा पाकीट

२. पाव वाटी उभा चिरलेला कांदा

३. पाव वाटी उभी चिरलेली सिमला मिरची

४. पाव वाटी उभं चिरलेला गाजर

५. पाव वाटी कांद्याची पात

६. अर्धी वाटी उभा चिरलेला कोबी

७. अर्धा चमचा चिली सॉस

८. ३ चमचे सोय सॉस

९. २ चमचे टोमॅटो सॉस

१०. १ चमचा शेजवान सॉस

शेजवान सॉस बनवण्याची कृती :-

छोटा अर्धा कांदा, १ छोटा टोमॅटो, ४ ते ५ पाकळ्या लसूण, आलं १ पेर ७ ते ८ लाल मिरच्या या सर्व गोष्टी बारीक चिरून घ्याव्यात. प्रथम तेलावर कांदा मऊ होईपर्यंत परतावा. त्यात आलं लसूण घालून परतावे. आलं व लसणाचा वास यायला लागल्यावर त्यात टोमॅटो घालावा. सर्वात शेवटी मिरच्या घालाव्यात व अगदी मंद आचेवर हा सॉस घट्ट होईपर्यंत शिजवावा. थोडेसे मीठ घालावे. म्हणजे शेजवान सॉस तयार होईल. सॉस तयार होईल.

हक्का नुडल्स बनवण्याची कृती :-

प्रथम उकळत्या पाण्यात नुडल्स ४ त४ ५ मिनिटे शिजवाव्यात. शिजलेल्या नुडल्सवर गार पाणी घालून नुडल्स गळून घ्याव्यात व त्या नुडल्सवर चमचाभर तेल घालावे. तेल घालण्याने नुडल्स एकमेकांना चिकटणार नाहीत. एका कढईत तेल घालून त्यात कांदा परतावा. कोबी, गाजर, सिमला मिरची या भाज्या घालून त्या मऊ होईपर्यंत परताव्यात. मग त्यात चिली सॉस, सोय सॉस, व टोमॅटो सॉस घालावा. लगेचच नुडल्स घालून ४ ते ५ मिनिटे परतून serving dish घालाव्या. त्यावर कांद्याची पात घालून गरम गरम serve करावे.

वाढणी :- १ ते २ माणसे

पालक पनीर

साहित्य :-

१. २ वाट्या शिजवलेला पालक

२. अर्धी वाटी पनीर

३. अर्धी वाटी कांदा

४. अर्धी वाटी टोमॅटो

५. खडा मसाला (दालचिनी, लवंग, वेलदोडा)

६. अर्धी वाटी मिल्क क्रीम / whipped cream

७. २ चमचे कसुरी मेथी

८. मीठ

९.2 हिरव्या मिरच्या

१०. फोडणीसाठी तेल

११. प्रत्येकी १ चमचा धणे जिरे पूड

१२. हळद

कृती :-

प्रथम एका पातेल्यात पाणी तापत ठेवावे. पाणी उकळले की त्यात पालक ४ ते ५ मिनिटे शिजवावा. शिजलेला पालक लगेच गार पाण्यात ठेवावा. पालक व चवीनुसार हिरवी मिरची मिक्सरमधून वाटावी. एका पसरट पातेल्यात तेल तापत ठेवावे. तेल तापले की त्यात खडा मसाला घालून परतावे. कांदा घालावा. कांदा मऊ झाला की त्यात टोमॅटो घालावा. टोमॅटो थोडा शिजला की धणे जिरे पूड, कसुरी मेथी, हळद घालावी

व थोडावेळ शिजवावे. मग त्यात मिक्सरमधून काढलेला पालक घालावा. त्या पालकाला तेल सुटेपर्यंत परतावे. सतत ढवळत राहावे. पनीर चे आपल्याला आवडतील अशा आकाराचे तुकडे करून ते भाजीत घालावेत. मिल्क क्रीम व मीठ घालून भाजी mix करावी. आच बंद करून भाजी serving bowl मध्ये काढावी व गरम गरम serve करावी.

वाढणी :- २ ते ३ माणसे

पोळी

साहित्य :-

१. २ डाव गव्हाची कणिक

२. २ चमचे दही

३. चिमुटभर मीठ

४.१ ग्लास कोमट पाणी

५. तेल

कृती :-

कणकेमध्ये थोडेसे मीठ व २ चमचे दही घालावे. दही घातल्याने पोळी मऊ होण्यास मदत होते. कणिक एकत्र करावी. त्यात हळूहळू कोमट पाणी घालत कणिक मळावी. त्या कणकेचा गोळा झाल्यावर थोडेसे तेल लावून कणिक परत मळावी. ही मळलेली कणिक झाकून ठेवावी. साधारण अर्ध्या तासाने पोळी लाटण्यास घ्यावी. एक छोटा गोळा घेऊन तो थोडा लाटावा व त्याला तेल लावून त्रिकोणी घडी घालावी. ही त्रिकोणी घडी पिठात घोळवून त्याची गोल पोळी लाटावी. तवा मध्यम आचेवर तापला की लाटलेली पोळी तव्यावर भाजून घ्यावी. दही घातल्यामुळे पोळ्या अतिशय मऊ होतात व छान पदर सुटतात.

वाढणी :- या साहित्याच्या साधारण ७ ते ८ पोळ्या होतील

पालकाची भाजी

साहित्य :-

१. उकडलेला पालक ३ वाटया

२. किसलेला लसूण २ मध्यम पाकळ्या

३. फोडणीसाठी तेल १ चमचा

४. तिखट

५. मोहरी

६. डाळीचं पीठ

७. मीठ

भाजीची कृती :-

प्रथम उकडलेल्या पालकामध्ये २ चमचे डाळीचे पीठ घालून पालक smash करून घ्यावा. मग एका पातेल्यात तेल तापत ठेवावे. तेल तापले की त्यात मोहरी घालावी. मोहरी तडतडली की त्यात किसलेला लसूण घालावा. थोडं परतून त्यामध्ये डाळीच्या पीठासोबत smash केलेला पालक घालावा. गरज वाटल्यास थोडेसे पाणी घालून भाजीला उकळी येऊ द्यावी. चवीनुसार मीठ घालावे. भाजी थोडीशी घट्टसर असावी. पोळी व भातासोबत ही भाजी गरम गरम वाढावी

रव्याचा शिरा

साहित्य :-

१. रवा

२. तूप

३. साखर

४. ड्रायफ्रूट्स

५. केशर

६. वेलदोड्याची पूड

७. गरम पाणी

कृती:-

एका पातेल्यात तूप तापत ठेवावे. तूप तापल्यावर त्यात ड्रायफ्रूट्स घालून परतावे. काजूचा रंग बदलेल, मनुका फुगतील. असे झाले की त्यात रवा घालावा व पुन्हा परतावे. रव्याचा रंग थोडासा बदलला की त्यात गरम पाणी घालावे. ढवळून घेऊन झाकण ठेवावे. रवा शिजून थोडा घट्ट झाला की त्यात साखर घालावी. साखर घातल्यावर पुन्हा रवा पातळ होईल व अटायला लागेल. योग्य तेवढा आटला की त्यात वेलदोड्याची पूड व केशर घालावे. गरम गरम शिरा मुदी पाडून serve करावा.