साहित्य :-
१. भेंडी अर्धा किलो
२. कांदा अर्धा
३. दाण्याचे कूट ४ चमचे
४. आमचूर पावडर १ चमचा
५. धना जीरा पूड प्रत्येकी १ चमचा
६. तिखट अर्धा चमचा
७. हळद
८. मीठ
९. ओलं खोबरं पाव वाटी
कृती :-
भेंडी चिरून अगदी कमी तेलामध्ये तळून घ्यावी. फार कुरकुरीत करू नये. कांदा बारीक चिरून फोडणीत घालावा. मऊसर झाला की त्यात हळद, तिखट, धना जीरा पूड, आमचूर पावडर असा सर्व मसाला घालावा. तळलेली भेंडी घालून भाजी एकजीव करून घ्यावी. त्यात मीठ घालावे व दाण्याचे कूट घालून भाजी सारखी करून घ्यावी. खोबरं घालून भाजी गरम गरम serve करावी.
वाढणी :- हि भाजी २ ते ३ लोकांना पुरेशी होईल.
