साहित्य :-
१. चपट्या नूडल्स (Fettucccine)
२. २ ते ४ चमचे ऑलिव्ह ऑइल
३. २ चमचे दाण्याचं कूट
४. २ चमचे लिंबू रस
५. बारीक चिरलेली कांद्याची पात
६. मोड आलेले मूग
७. ४ ते ५ चमचे सोय सॉस
८. १ चमचा ब्राऊन किंवा साधी साखर
९. १ चमचा चिरलेला लसूण
कृती :-
नूडल्स पूर्व शिजेपर्यंत उकडून घ्याव्यात. साधारणपणे नूडल्सच्या पाकिटावर त्या शिजवायची पूर्ण कृती लिहिलेली असते. त्याप्रमाणे नूडल्स शिजवून त्या गाळून घ्याव्यात. मोड आलेले मूग कमी पाण्यावर वाफवून घ्यावेत. एका पातेल्यात तेल घालून ते कडकडीत गरम करावं आणि त्यात लसूण घालावा. लसूण परतून घेतल्यावर त्यावर मोड आलेले मूग घालावेत. त्यावर नूडल्स घालून लगेचच सोया सॉस, दाण्याचं कूट, लिंबाचा रस, कांद्याची पात आणि साखर घालावी. नूडल्स व्यवस्थित एकजीव करून घ्याव्यात आणि गरम गरम serve कराव्यात.
यामध्ये तुम्ही पनीर, टोफू किंवा उकडलेलं चिकन देखील घालू शकता.
वाढणी :- ३ ते ४ माणसं
