गाजर हलवा

साहित्य :-

१. ४ ते ५ वाट्या किसलेलं गाजर

२. १ ते २ वाट्या साखर

३. अर्धी वाटी खवा

४. ४ ते ५ चमचे तूप

५. काजू, बेदाणे पाव वाटी

कृती :-

एका नॉनस्टिक कढईमध्ये तूप गरम करून घ्यावे. या तूपात प्रथम काजू व बेदाणे टाळावेत. काजूचा रंग बदलला आणि बेदाणे फुलले की लगेच किसलेलं गाजर घालून सर्व जिन्नस छान एकत्रित करावेत. गाजरावर झाकण ठेवून मध्यम आचेवर गाजर मऊ शिजू द्यावे. गाजर खाली लागणार नाही याची काळजी घ्यावी. मधून मधून झाकण काढून ढवळावे. गाजर शिजत आले की त्याचा रंग बदलतो आणि गाजर जवळपास मापामध्ये अर्धं होतं. गाजर छान शिजला की त्यात साखर घालावी. साखर घातल्यावर थोडं पाणी सुटतं. ते पाणी आटेपर्यंत गाजर शिजवावं. खवा थोडसं गरम करून घ्यावा व शिजलेल्या गाजरामध्ये घालावं. ५ मिनिट सर्व मिश्रण शिजवावे. गरम गरम गाजर हलवा छान सजवून serve करावा.

वाढणी :- २ ते ३ माणसे