स्वीट कॉर्न चाट

साहित्य :-

१. उकडलेले स्वीट कॉर्नचे दाणे  २ कप 

२. बारीक चिरलेली सिमला मिरची पाव कप 

३. बारीक चिरलेला कांदा अर्धा कप 

४. बिया काढून बारीक चिरलेला टोमॅटो अर्धा कप 

५. बारीक चिरलेली कोथिंबिर अर्धा कप 

६. बारीक चिरलेली हिरवी मिरची स्वादानुसार 

७.  बारीक चिरलेली काकडी अर्धा कप 

८. जीरा पावडर अर्धा चमचा

९. चाट मसाला अर्धा चमचा 

१०. लिंबुरस १ चमचा 

११. चवीनुसार मीठ 

कृती :-

वरील सर्व साहित्य एकत्र करून घ्यावे व स्वीट कॉर्न चाट serve करावी. 

वाढणी :- २ ते ३ माणसे 

ब्रेड पनीर रोल्स

साहित्य :-

१. व्हीट ब्रेडचे ७ - ८ स्लाईस 

२. १ कप किसलेलं पनीर 

३. चमचाभर लिंबू रस 

४. चवीनुसार बारीक चिरलेली हिरवी मिरची 

५. पेरभर किसलेलं आलं 

६. चवीनुसार मीठ 

७. परतण्यासाठी बटर 

८. २ ते ३ चमचे दूध 

९. पाव वाटी बारीक चिरलेली कोथिंबीर 

कृती:-

प्रथम पनीर कुस्करून घ्यावे. त्यात किसलेलं आलं, हिरवी मिरची, कोथिंबीर. लिंबू रस, दूध व चवीनुसार मीठ घालावे. हे मिश्रण चमच्याने व्यवस्थित कालवून घ्यावे. ब्रेडच्या कडा काढाव्यात. मग तो ब्रेड लाटणं फिरवून पातळ करावा. त्यात पनीरचा मसाला भरून त्याचा रोल करावा. ब्रेडच्या कडांना पाणी लावावे म्हणजे ब्रेडचे रोल्स नीट बंद करता येतील. मग त्या रोल्सना बटर लावून तव्यावर परतून घ्यावे आणि केचअप अथवा चटणीसोबत गरम गरम serve करावे. 

वाढणी :- २ ते ३ माणसे 

सिमला मिरची - पनीर भुर्जी

साहित्य :-

१. बारीक चिरलेला कांदा १ कप 

२. बारीक चिरलेला  टोमॅटो अर्धा कप 

३. चौकोनी चिरलेली सिमला मिरची अर्धा कप 

४. कुस्करलेलं पनीर ३ कप 

५. १ चमचा देघी मिरची पावडर 

६. पाऊण चमचा गरम मसाला 

७. चवीनुसार मीठ

८.  अर्धा चमचा जीरं 

९. सजावटीसाठी कोथिंबीर 

१०. फोडणीसाठी तेल 

कृती :-

प्रथम पनीर कुक्सरून घ्यावे. कांदा बारीक चिरावा. तेलावर कांदा परतून घ्यावा. कांदा छान मौसार झाला कि मग त्यात टोमॅटो घालून ते मऊ शिजेपर्यंत परतावेत. त्यात सिमला मिरची घालावी. सिमला मिरची अर्धी कच्ची असताना त्यात लाल मिरची पावडर, गरम मसाला घालून पुन्हा एकदा परतून घ्यावे. मसाले शिजले की त्यात कुस्करलेलं पनीर घालावं. पनीर घालून भाजी छान एकत्र करून घ्यावी. पनीर जास्त शिजवू नये नाहीतर ते कडक व्हायला लागतं. वरून कोथिंबीर व गरज असल्यास मीठ घालून भाजी पुन्हा परतून घ्यावी आणि पोळी अथवा पराठ्यासोबत गरम गरम serve करावी. 

वाढणी :- २ ते ३ माणसे 

पॉपकॉर्न चिकन

साहित्य :-

१. चिकन ब्रेस्ट २ 

२. मैदा २ वाटी 

३. १ का  अंड्याचा पांढरा भाग  

४. दूध १ कप 

५. कांदा पावडर अर्धा चमचा 

६. मिरी पावडर अर्धा चमचा 

७. लाल तिखट १ चमचा 

८. हळद अर्धा चमचा 

९. ब्रेड क्रम्स १ वाटी 

१०. तळणीसाठी तेल 

११.  चवीनुसार मीठ 

कृती :-

प्रथम चिकन स्वच्छ करून  ब्रेस्टचे १ इंचाचे तुकडे करून घ्यावेत. त्या तुकड्यांना तिखट आणि मीठ लावून ठेवावे. एका ट्रेमध्ये मैदा घेऊन त्यात मीठ, तिखट, हळद, मिरी पावडर आणि कांद्याची पावडर घालावी. हे सर्व एकत्र करून ठेवावे. अजून एक ट्रे घेऊन त्यात दूध घ्यावे. या दूधात अंड्याचा पांढरा भाग घालून फेटून घ्यावे. ब्रेड क्रम्स देखील एका ताटलीमध्ये काढून घ्यावेत. एका आचेवर तेल तापत ठेवावे. चिकनचे तुकडे प्रथम एक एक करून मैद्याच्या मिश्रणात घोळवावेत . मग दुधाच्या मिश्रणात घोळवावेत. पुन्हा एकदा मैद्याच्या मिश्रणात घोळवून परत दुधात घोळवावेत. मग एक एक करून हे चिकनचे तुकडे ब्रेड क्रम्समध्ये घोळवून घ्यावेत व छान सोनेरी रंगावर तळावेत.पूर्ण शिजलेले आणि कुरकुरीत चिकन पॉपकॉर्न तयार झाले की लगेच गरम गरम serve करावेत. 

वाढणी :- २ ते ३ माणसे