साहित्य :-
१. चिकन ब्रेस्ट २
२. मैदा २ वाटी
३. १ का अंड्याचा पांढरा भाग
४. दूध १ कप
५. कांदा पावडर अर्धा चमचा
६. मिरी पावडर अर्धा चमचा
७. लाल तिखट १ चमचा
८. हळद अर्धा चमचा
९. ब्रेड क्रम्स १ वाटी
१०. तळणीसाठी तेल
११. चवीनुसार मीठ
कृती :-
प्रथम चिकन स्वच्छ करून ब्रेस्टचे १ इंचाचे तुकडे करून घ्यावेत. त्या तुकड्यांना तिखट आणि मीठ लावून ठेवावे. एका ट्रेमध्ये मैदा घेऊन त्यात मीठ, तिखट, हळद, मिरी पावडर आणि कांद्याची पावडर घालावी. हे सर्व एकत्र करून ठेवावे. अजून एक ट्रे घेऊन त्यात दूध घ्यावे. या दूधात अंड्याचा पांढरा भाग घालून फेटून घ्यावे. ब्रेड क्रम्स देखील एका ताटलीमध्ये काढून घ्यावेत. एका आचेवर तेल तापत ठेवावे. चिकनचे तुकडे प्रथम एक एक करून मैद्याच्या मिश्रणात घोळवावेत . मग दुधाच्या मिश्रणात घोळवावेत. पुन्हा एकदा मैद्याच्या मिश्रणात घोळवून परत दुधात घोळवावेत. मग एक एक करून हे चिकनचे तुकडे ब्रेड क्रम्समध्ये घोळवून घ्यावेत व छान सोनेरी रंगावर तळावेत.पूर्ण शिजलेले आणि कुरकुरीत चिकन पॉपकॉर्न तयार झाले की लगेच गरम गरम serve करावेत.
वाढणी :- २ ते ३ माणसे
कोणत्याही टिप्पण्‍या नाहीत:
टिप्पणी पोस्ट करा