साहित्य :-
१. व्हीट ब्रेडचे ७ - ८ स्लाईस
२. १ कप किसलेलं पनीर
३. चमचाभर लिंबू रस
४. चवीनुसार बारीक चिरलेली हिरवी मिरची
५. पेरभर किसलेलं आलं
६. चवीनुसार मीठ
७. परतण्यासाठी बटर
८. २ ते ३ चमचे दूध
९. पाव वाटी बारीक चिरलेली कोथिंबीर
कृती:-
प्रथम पनीर कुस्करून घ्यावे. त्यात किसलेलं आलं, हिरवी मिरची, कोथिंबीर. लिंबू रस, दूध व चवीनुसार मीठ घालावे. हे मिश्रण चमच्याने व्यवस्थित कालवून घ्यावे. ब्रेडच्या कडा काढाव्यात. मग तो ब्रेड लाटणं फिरवून पातळ करावा. त्यात पनीरचा मसाला भरून त्याचा रोल करावा. ब्रेडच्या कडांना पाणी लावावे म्हणजे ब्रेडचे रोल्स नीट बंद करता येतील. मग त्या रोल्सना बटर लावून तव्यावर परतून घ्यावे आणि केचअप अथवा चटणीसोबत गरम गरम serve करावे.
वाढणी :- २ ते ३ माणसे
कोणत्याही टिप्पण्या नाहीत:
टिप्पणी पोस्ट करा