पोहा भजी

साहित्य :-

१. १ कप पोहे 

२. अर्धा कप दही आणि अर्धा कप पाणी एकत्र करून घ्यावे 

३. पाव कप किसलेला दुधी 

४. पाव कप किसलेले गाजर 

५. शिजवून घेतलेले मटार पाव कप 

६. किसलेलं आलं आणि लसूण प्रत्येकी एक चमचा 

७. तिखट चवीनुसार 

८. हळद पाव चमचा 

९. ४ ते ५ चमचे बेसन 

१०. चवीनुसार मीठ 

११. तळणीसाठी तेल 

१२. बारीक चिरलेली कोथिंबीर 

फोडणीसाठी साहित्य :-

१. १ चमचा तेल 

२. अर्धा चमचा मोहरी व अर्धा चमचा जीरं 

३. पाव चमचा हिंग 

कृती:-

प्रथम पोहे धुऊन घ्यावेत व त्यातले पाणी पूर्णपणे काढून घ्यावे. त्यात दही व पाण्याचे मिश्रण घालून एकत्र करून २० - २५ मिनिटे झाकून ठेवावे. अर्ध्या तासाने बाकीचे सर्व पदार्थ घालून थोडे पाणी घालून परत एक १० मिनिटे ठेवावे. एका छोट्या पातेल्यात फोडणी करावी. फोडणीमध्ये मोफारी, जीरं व हिंग घालावे आणि ही फोडणी पोह्याच्या मिश्रणात घालावी. सर्व पीठ चमच्याने छान एकत्रित करून घ्यावे. एका कढईमध्ये तेल तापवावे व हाताने पिठाचा एक एक छोटा गोळा तेलात तळण्यासाठी सोडावा. ही भाजी छान सोनेरी होईपर्यंत मध्यम आचेवर तेलात तळून घ्यावीत. सॉस बरोबर गरम गरम serve करावीत. 

वाढणी :- वरील पिठात साधारण १७ ते २० भज्या होतील.