तुमच्या आजपर्यंतच्या प्रेमाने आणि प्रोत्साहनाने मी भारावले आहे. तुमचं असंच प्रेम यापुढेही मिळत राहो हीच अपेक्षा आहे. आपल्या ब्लॉगचं नाव या महिन्यात बदलून "मेजवानी" असं केलं आहे. गृहिनींना सतत काहीतरी वेगळं आणि चविष्टं करत राहावं लागतं. त्यामुळे पंचपक्वान्नांची नसली तरी जगभरातल्या वेगवेगळ्या पाककृतींची मेजवानीच त्या घरच्यांना देत असतात. म्हणून आजपासून आपल्या ब्लॉगचं नाव "मेजवानी"!
खूप महिने झाले मी काही नवीन पाककृती ब्लॉगवर लिहिली नाही. परंतु आता पुन्हा एकदा नवीन छान छान पाककृती मी घेऊन येते आहे. सध्याच्या थोड्या उदासीन आणि काळजीच्या काळात आपल्या घरच्यांसाठी काहीतरी छान पण सोपं खायला करणं हा एक खूप महत्वाचा मुद्दा आहे. घराबाहेर पडता येत नसल्याने चालणं आणि व्यायाम दोन्हीही कमी किंवा जवळपास शून्य आहेत. अशावेळी पचायला हलका पण सकस आहार घेणं अत्यंत गरजेचं आहे. तेव्हा तुमच्या या आवडत्या ब्लॉगला अवश्य भेट देत राहा.
कोणत्याही टिप्पण्‍या नाहीत:
टिप्पणी पोस्ट करा